Home » Technology » پاکستان کا پہلا مواصلاتی سیارہ آج اپنی سروسز کا آغاز کردیگا

پاکستان کا پہلا مواصلاتی سیارہ آج اپنی سروسز کا آغاز کردیگا

پاکستان کا پہلا جدید ترین مواصلاتی سیارہ پاک سیٹ ون آر آج سے اپنی سروسز کا آغاز کردے گا۔ بارہ اگست کو چین کے مواصلاتی مرکز چی یانگ سے لانچ کیا جانے والا پاک سیٹ ون آر نے مستقل مدار میں پہنچنے تک اپنے تمام مراحل پروگرام کے تحت طے کئے اور 38 ڈگری پر پہلے سے موجود پاک سیٹ ون کی جگہ پر سروسز فراہم کرنا شروع کردیں۔یہ مواصلاتی سیارہ آئندہ پندرہ سال تک ٹی وی نشریات، انٹرنیٹ اور ڈیٹا سروسز کی جدید ترین سہولتیں فراہم کرے گا جس کے ذریعے پاکستان، جنوبی ایشیا،مشرقی افریقہ،وسطی ایشیاء اور یورپ سے منسلک ہوجائے گا۔