Home » Sports » پاکستان پر شکست کے سیاہ بادل، جیت کیلئے مزید 474 رنز درکار

پاکستان پر شکست کے سیاہ بادل، جیت کیلئے مزید 474 رنز درکار

گال ٹیسٹ کے تیسرے روز کے اختتام تک مشکلات میں گھری ہوئی پاکستان کرکٹ ٹیم نے تین وکٹوں پر چھتیس رنز بنالیے ۔ شکست سے بچنے کیلئے پاکستان کو مزید چار سو چوہتر رنز درکارہیں اور اس کی سات وکٹیں باقی ہیں۔سری لنکا کے اسکورچارسوباہتر کے جواب میں پاکستان کرکٹ ٹیم پہلی اننگز میں صرف سو رنز پر ڈھیر ہوگئی ۔ یونس خان انتیس، ایوب ڈوگر پچیس اور محمدحفیظ بیس رنز بناسکے۔ سورج رندیو نے چار اور رنگانا ہیراتھ نے تین کھلاڑیوں کو آئوٹ کیا۔پاکستان کو پہلی اننگز میں تین سو باہتر رنز کے خسارے کا سامنا رہا۔ فالو آن دینے کے بجائے سری لنکا نےخود بیٹنگ کی اوردلشان کے چھپن رنز کی بدولت دوسری اننگز ایک سو سینتیس رنز پانچ کھلاڑی آؤٹ پرڈیکلیئرڈ کردی۔ پاکستان کی جانب سےجنیدخان نے تین اور سعیداجمل نے دو وکٹیں حاصل کیں۔پانچ سو دس رنز کے ہدف کا تعاقب کرتے ہوئے توفیق عمر دس،اظہر علی سات اور محمد حفیظ چار رنز پر آؤٹ ہوچکےہیں۔