آرمی چیف جنرل اشفاق پرویز کیانی نے کہا ہے پاکستان نے دہشت گردی کے خلاف جنگ میں بے پناہ قربانیاں دیں ہیں۔ عالمی برداری کو پاکستان کی قربانیاں نظر انداز نہیں کرنا چاہئیں۔برسلز میں یورپی یونین ملٹری کمیٹی اور پولیٹیکل اینڈ سیکیورٹی کونسل کے مشترکہ اجلاس سے خطاب کرتے ہوئے جنرل کیانی نے کہا پاکستان نے دہشت گردی کے خلاف جنگ میں بہت قربانیاں دیں ہیں۔ دنیا کو دہشت گردی کے خلاف پاکستان کے کرداراور قربانیوں کو نظرانداز نہیں کرنا چاہئیں ۔انہوں نے کہا کہ افغانستان میں مفاہمتی عمل افغان قائدین کا اپنا ہونا چاہئیے۔ پاکستان افغانستان میں ہونے والے مفاہمتی عمل کی حمایت کرتا رہے گا۔اجلاس میں ستائیس ممالک کے عسکری اور دفاعی حکام اور سفیروں نے شرکت کی۔