ہنگو میں خودکش دھماکے سے جاں بحق افراد کے غم میں آج یوم سوگ منایا جائے گا، ضلع میں کاروباری سرگرمیاں معطل اور تعلیمی ادارے بھی بند رہیں گے۔گزشتہ روز ہنگو کے پٹ بازار میں مسجد کے قریب جان لیوا خودکش دھماکے میں اٹھائیس افراد جاں بحق اور پینتیس سے زائد زخمی ہوئےتھے۔ ان افراد کے ناگہانی جاں بحق ہونے پر ضلع بھر میں سوگ کا سماں رہا اور ہر آنکھ اشکبار نظر آئی ،دہشت گردی کے خلاف ہنگو کی عوام نے آج اپنے کاروبار کو بند رکھنے کا وعدہ کیا ہے ،پورے ہنگو میں ویرانی اور وحشت کے پیش نظر خوف وہراس کا منظر ہے۔