کراچی ٹارگٹ کلنگ کے متاثرین کو ادائیگی کیلئے کمیشن قائم
سپریم کورٹ کی ہدایت پر حکومت سندھ نے بدامنی کے دوران جاں بحق اور زخمی ہونے والے شہریوں کو معاوضے کی ادائیگی کیلئے کمیشن قائم کردیا ہے جس کے سربراہ جسٹس (ر)زاہد قربان علوی ہوں گے۔کمیشن 90روز کے اندر اپنی رپورٹ حکومت سندھ کو پیش کرے گا ۔ کمیشن کے دائرہ اختیار میں کراچی میں نشانہ وار قتل میں جاں بحق ہونے والے لوگوں کی تفصیل ، زخمیوں اور اس دوران املاک کو پہنچنے والے نقصانات کا اندازہ لگاکر اپنی سفارشات مرتب کرکے حکومت سندھ کوبھیجے گامحکمہ داخلہ کے ذرائع کے مطابق یہ کمیشن سپریم کورٹ بدامنی کیس کے فیصلے پر عمل درآمد کیلئے قائم کیا گیا ہے۔