لاہور( بیورورپورٹ) لاہور الیکٹرک سپلائی کمپنی نے بلوں کی عدم ادائیگی پر مختلف سرکاری محکموں کے کنکشنز منقطع کر دئیے ۔بتایا گیا ہے کہ 1لاکھ 33ہزار کی عدم ادائیگی پر محکمہ خوراک ‘ 11لاکھ33ہزار کی عدم ادائیگی پر تھانہ لٹن روڈ ‘ 3لاکھ26ہزارکی عدم ادائیگی پر لٹریسی ڈیپارٹمنٹ‘14لاکھ کی عدم ادائیگی پر ٹیپا کے ہیڈ آفس سمیت چار دفاتر ‘ 7لاکھ 13ہزار کی عدم ادائیگی پر سٹیٹکس ڈیپارٹمنٹ کے کنکشنز منقطع کر دئیے گئے ۔ لیسکو کے مطابق ا ن محکموںکو واجبات کی ادائیگی کے لئے متعدد بار نوٹسز کا اجراء کیا گیا لیکن اس کی تعمیل نہیں کی گئی جس پر گزشتہ روز انکے کنکشنز منقطع کر دئیے گئے ۔